„ცხინვალის რეგიონში საკითხი გადაწყვეტილია და 10 თებერვლიდან სეპარატისტების გაძლიერებას ველოდებით“
19 იანვარი, 2015 წ.
„ცხინვალის რეგიონში საკითხი გადაწყვეტილია და 10 თებერვლიდან სეპარატისტების გაძლიერებას ველოდებით“
პაატა დავითაია ოკუპირებულ ცხინვალის რეგიონში მოქმედი ე.წ. პოლიტიკური პარტიების წარმომადგენლენის მხრიდან დე ფაქტო ხელისუფლებისადმი მიმართვის ფაქტს გამოეხმაურა.

როგორც „ევროპელი დემოკრატების“ თავმჯდომარემ „პირველ პრესკლუბში“ განაცხადა, რუსეთთან ე.წ. შეთანხმების დოკუმენტის გაფორმების პროცესს ოკუპირებულ ცხინვალში რეალური წინააღმდეგობა არ მოყოლია.

"აფხაზეთში სერიოზული მუხტი იყო იმ ხელშეკრულების წინააღმდეგ, რომელსაც რუსები ამზადებდნენ, მაგრამ ეს ხელშეკრულება დაიდო. ცხინვალის რეგიონში ასეთი მუხტი საერთოდ არ ყოფილა. პირიქით, ინტეგრაცია უფრო მეტად მოითხოვეს. აქედან გამომდინარე, მე არ მინახავს არც ერთი ადამიანი, რომელიც ამ ყველაფერს ღიად გააპროტესტებდა. პირიქით, ე.წ. სამხრეთ ოსეთისა და ჩრდილო ოსეთის შეერთებაზეა საუბარი, მაგრამ ამ ფონზე, როდესაც პოლიტიკური პარტიების მხრიდან განცხადების გაკეთება ხდება, მისასალმებელია, მაგრამ ეს არის ძალიან პატარა ხმა. წაკნავლებაა და მეტი არაფერი, თუ შეიძლება ასე ითქვას. ხაზი მინდა გავუსვა, ეს არ არიან ის პარტიები, რომლებიც ცხინვალის რეგიონში რამეს წყვეტენ. რეალურად იქ საკითხი გადაწყვეტილია და ჩვენ სადღაც 10 თებერვლიდან ამ ხელშეკრულების გაფორმებას და სეპარატისტების უფრო გაძლიერებას ველოდებით. საუბარია რუსეთის ფედერაციაზე, რომელიც მომედებას ღიად დაიწყებს", - განაცხადა დავითაიამ.
შეგახსენებთ, რომ რუსეთის ფედერაციასა და ე.წ. სამხრეთ ოსეთს შორის მოლაპარაკებები მიმდინარეობს ე.წ. სამოკავშირეო და სტრატეგიული ურთიერთობების დოკუმენტზე, რომელიც მხარეებს შორის სამხედრო-პოლიტიკურ, სოციალურ და კულტურულ ურთიერთობებს ითვალისწინებს. ამასთან, ოკუპირებული ცხინვალის რეგიონში მოქმედი ე.წ. პოლიტიკური პარტიების ხელმძღვანელებმა დე ფაქტო ხელისუფლებას რუსეთთან გასაფორმებელი ე.წ. ხელშეკრულების პროექტის გამოქვეყნებისკენ მოუწოდეს. მათი განმარტებით, ინფორმაცია იმის შესახებ, თუ რას სთავაზობს ე.წ. სამხრეთ ოსეთის მხარე რუს მხარეს, საზოგადოებისთვის ცნობილი არ არის. პარტიების ლიდერების განცხადებით, შექმნილი ინფორმაციული ვაკუუმი საზოგადოებაში გარკვეულ დაძაბულობას ბადებს.

ლიკა კასრაძე

სააგენტო "PirWeli"

FaceBook Twitter Digg MySpace Delicious Google ელფოსტაბეჭდვა
პაატა დავითაიამ აფხაზეთის ომში დაღუპულთა ხსოვნას პატივი მიაგო
სოხუმის დაცემის დღესთან დაკავშირებით, საქართველოს ერთიანობისთვის დაღუპულ გმირთა მემორიალი "საქართველოს ევროპელმა დემოკრატებმა" გვირგვინით შეამკეს.
«« ივნისი 2017 »»
ორ სა ოთ ხუ პა შა კვ
    1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30