„ევროპელი დემოკრატების“ თავმჯდომარე პაატა დავითაია მთავრობას მოუწოდებს, იური ვაზაგაშვილის მკვლელობის საქმე სწრაფ რეჟიმში გამოიძიონ.
20 იანვარი, 2015 წ.
„ევროპელი დემოკრატების“ თავმჯდომარე პაატა დავითაია მთავრობას მოუწოდებს, იური ვაზაგაშვილის მკვლელობის საქმე სწრაფ რეჟიმში გამოიძიონ.

 

"ევროპელი დემოკრატების" თავმჯდომარე პაატა დავითაია მთავრობას მოუწოდებს, იური ვაზაგაშვილის მკვლელობის საქმე სწრაფ რეჟიმში გამოიძიონ.


როგორც მან "პირჭელს" განუცხადა, ეს არის სახელმწიფოებრიობის წინააღმდეგ მიმართული დანაშაული. დავითაიას თქმით, საქმის გამოუძიებლობა ქვეყანაში დაძაბულობას შექმნის და დაუსჯელობის სინდრომს გააჩენს.

"აქ არის ერთი მთავარი მომენტი - ეს დანაშაული იმდენად ზღვარგასულია, რომ პრემიერის კონტროლის ქვეშ ყოფნა არ შველის. ეს საქმე თუ არ გამოიძიეს, ყველა მოქალაქეს გაუჩნდება განცდა, რომ დაუცველია, რაც სახელმწიფოებრიობის კრახია. ეს ინვესტიციებს, ტურიზმს, სამართლიანობისაკენ ბრძოლას და სხვა პროცესებს შეაფერხებს. ამიტომ კონტროლის ქვეშ აყვანა საკმარისი არ არის. რა თქმა უნდა, პრემიერმა გაააკეთა განცხადება და როგორც მეთაურმა დავალება გასცა, მაგრამ ხელისუფლებას დრო ძალიან ცოტა აქვს. მათ ვადა ფაქტიურად არ აქვთ, რადგან ამან შეიძლება დიდი მღელვარება გამოიწვიოს", - განაცხადა დავითაიამ.

მისივე თქმით, ვინცა რა უნდა იყოს დამნაშავე და რა წრეების გავლენის ქვეშაც არ უნდა იყოს ის, სამართალდამცველმა ორგანოებმა ყველაფერი უნდა გააკეთონ რათა ის მართლმსაჯულების წინაშე წარსდგეს.

"მე როგორც ყოფილი პროკურორი კონკრეტული პირების ან წრეების ინტერესებზე საუბრისგან თავს შევიკავებდი. ეს გამოძიებს საკითხია და ხელს ვერავის დავადებ, მაგრამ ერთი ვიცი, რომ ვინც ეს გააკეთა ძალიან საშიში ადამიანია და მან რამდენიმე მიმართულება გათვალა. მას ძალიან კარგად ესმოდა თუ რა შედეგს მოიტანდა ის. მკვლელობის ცინიზმი ფაქტიურად დაუსჯელობის მესიჯია. ამ ფორმით მკვლელობის ჩადენისას ყველაფერი გათვლილი იყო. ამიტომ ვამბობ, რომ ვინც არ უნდა იყოს, მან პასუხი აუცილებლად უნდა აგოს, რომ ქვეყანაში სტაბილურობა შენარჩუნდეს", - აღნიშნა დავითაიამ.

იური ვაზაგაშვილის დაღუპვის შესახებ ინფორმაცია დღეს გავრცელდა. არსებული ინფორმაციით, ის საკუთარი შვილის საფლავზე დამონტაჟებული მოწყობილობის აფეთქების შედეგად დაიღუპა. პროკურატურამ მომხდარზე გამოძიება სისხლის სამართლის კოდექსის 109-ე მუხლით (განზრახ მკვლელობა დამამძიმებელ გარემოებებში) დაიწყო. პრემიერ-მინისტრმა ირაკლი ღარიბაშვილმა მთავარი პროკურატურისგან იური ვაზაგაშვილის საქმის სასწრაფოდ გამოძიება მოითხოვა და აღნიშნა, რომ ის თავის მხრივ ყველაფერს გააკეთებს რათა ყველა დამნაშავე კანონის მთელი სიმკაცრით დაისაჯოს.

ლიკა კასრაძე

 

სააგენტო "Pirweli"

FaceBook Twitter Digg MySpace Delicious Google ელფოსტაბეჭდვა
პაატა დავითაიამ აფხაზეთის ომში დაღუპულთა ხსოვნას პატივი მიაგო
სოხუმის დაცემის დღესთან დაკავშირებით, საქართველოს ერთიანობისთვის დაღუპულ გმირთა მემორიალი "საქართველოს ევროპელმა დემოკრატებმა" გვირგვინით შეამკეს.
«« აგვისტო 2017 »»
ორ სა ოთ ხუ პა შა კვ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31