„ვფიქრობ, რომ ერთიანი ევროპული არმიის შექმნა პოლიტიკურად სწორი მიდგომაა“
09 მარტი, 2015 წ.
„ვფიქრობ, რომ ერთიანი ევროპული არმიის შექმნა პოლიტიკურად სწორი მიდგომაა“
"ევროპელი დემოკრატების" თავმჯდომარის პაატა დავითაიას განცხადებით, ერთიანი ევროპული არმიის შექმნის იდეა სწორია.

პაატა დავითაიამ ევროკომისიის პრეზიდენტის ჟან-კლოდ იუნკერის ინიციატივა, რომელიც ევროპაში ერთიანი არმიის შექმნას გულისხმობს, დღეს "პირველ პრესკლუბში" შეაფასა.

"ეს ძალიან მნიშვნელოვანი განცხადება იყო. მინდა ხაზი გავუსვა იმას, რომ ამაზე დიდი ხანია, მუშაობა მიდის. ვფიქრობ, რომ პოლიტიკურად სწორი მიდგომაა. საუბარია ეკონომიკურად როგორ განხორციელდება ეს იმიტომ, რომ ერთიანი ჯარი ნიშნავს ერთიან დაფინანსებას, ერთიან ბიუჯეტს, ერთიან მიდგომას. იმ ეკონომიკური კრიზისების და ევროპისთვის დამახასიათებელი ბიუოკრატიული აპარატის ფონზე, რაც დღეს არის, მე მიჭირს საუბარი თუ როგორ მოხერხდერბა ეს ყველაფერი. თუმცა ვფიქრობ, რომ თუ მათ განხორციელება დაიწყეს და თუ სახელმწიფოების პოლიტიკური ნება იქნება, ისინი ამას შეძლებენ. ამ ეტაპზე მხოლოდ გერმანიამ დაადასტურა თანხმობა, არ ვიცით ევროპის სხვა სახელმწიფოების განწყობა", - განაცხად დავითაიამ.

ამასთან, დავითაიას უჭირს საუბარი საკითხზე, თუ შეეხება თუ არა საქართველოს უსაფრთხოებას რაიმე ფორმით ევროპაში ერთიანი არმიის ფორმირება.

"სამართლებრივ ჭრილში შემდეგი სიტუაცია იქნება, რომ თუ ჩვენ ევროკავშირის წევრი ვიქნებით, რა თქმა უნდა შეგვეხება. იქ ასევე განხილული იქნება ასოცირებული წევრობის სისტემა, ისეთი როგორიც ჩვენ ვართ. მე მიჭირს საუბარი იმ თვალსაზრისით, რომ ჩვენ არ ვიცით როგორ დაიწყება ამაზე მსჯელობა. ჯერ მხოლოდ და მხოლოდ თეზისების სახით არის", - აღნიშნა დავითაიამ.

ევროკომისიის პრეზიდენტი ევროპული არმიის შექმნის იდეით გამოვიდა. ლუქსემბურგის ყოფილი პერმიერის და ევროკომისიის ამჟამინდელი პრეზიდენტის ჟან-კლოდ იუნკერის აზრით, ასეთი არმია ერთიანი საგარეო პოლიტიკის ფორმირებას შეუწყობს ხელს. ჟან-კლოდ იუნკერის თქმით, ევროკავშირი შეძლებს რეაგირება მოახდინოს საფრთხეზე, რომელიც ევროკავშირის წევრ და მეზობელ ქვეყნებს ემუქრებათ. ჟან-კლოდ იუნკერმა დასძინა, რომ ამგვარად ევროპა რუსეთს საშუალებას მისცემს გააცნობიეროს, რომ "ჩვენ სერიოზულად ვეკიდებით ევროპული კავშირის ღირებულებების დაცვას".

იუნკერის წინადადებამ გერმანული ბუნდესტაგის დეპუტატებს შორის უკვე ჰპოვა მხარაჭერა. ბუნდესტაგის საერთაშორისო საქმეთა კომიტეტის თავმჯდომარის ნორბერტ რეტგენის მოსაზრებით, ასეთი არმიის შექმნის დრო უკვე დადგა.

 

ლიკა კასრაძე.

სააგენტო "PirWeli"

FaceBook Twitter Digg MySpace Delicious Google ელფოსტაბეჭდვა
პაატა დავითაიამ აფხაზეთის ომში დაღუპულთა ხსოვნას პატივი მიაგო
სოხუმის დაცემის დღესთან დაკავშირებით, საქართველოს ერთიანობისთვის დაღუპულ გმირთა მემორიალი "საქართველოს ევროპელმა დემოკრატებმა" გვირგვინით შეამკეს.
«« დეკემბერი 2017 »»
ორ სა ოთ ხუ პა შა კვ
     1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31