"ყველაფერი კეთდება იმისთვის, რომ ჩვენ რუსული გავლენის ქვეშ მოვექცეთ"
11 იანვარი, 2016 წ.
"ყველაფერი კეთდება იმისთვის, რომ ჩვენ რუსული გავლენის ქვეშ მოვექცეთ"
"საქართველოს ევროპელი დემოკრატების" ლიდერ პაატა დავითაიას შეფასებით, "გაზპრომთან" ხელშეკრულების გაფორმება, ქვეყნის უსაფრთხოების წინააღმდეგ მიმართული ქმედებაა.

როგორც დავითაიამ "პირველ პრესკლუბში" განაცხადა, ირაკლი ღარიბაშვილის მიერ თანამდებობის დატოვება და საქართველოს მთავრობის ახალწლამდე ნაჩქარევად დამტკიცება, სწორედ "გაზპრომთან" მიმდინარე გასაიდუმლოებულ მოლაპარაკებებს და ხელშეკრულებას უკავშირდება, რომელსაც, გავრცელებული ცნობით, უახლოეს პერიოდში უნდა მოეწეროს ხელი.

"გაზპრომთან" ხელშეკრულების მზადება, ეს ქვეყნის უსაფრთხოების წინააღმდეგ მიმართული ქმედებაა და ამას საქართველოს მთავრობა ახორციელებს. ცალსახად გამოჩნდა და დასკვნების გაკეთება შეიძლება, თუ რატომ იქნა პრემიერი ღარიბაშვილი გაგდებული საქართველოს მთავრობიდან. ირაკლი ღარიბაშვილის გადადგომა ცალსახად ადასტურებს, რომ ის ეწინააღმდეგებოდა ამ მომენტებს. ფაქტობრივად, ეს არის რუსული თამაშები, ყველაფერი კეთდება იმისთვის, რომ ჩვენ რუსული გავლენის ქვეშ მოვექცეთ. რუსული მხარე აკეთებს ყველაფერს, რომ აღადგინოს ყოფილი საბჭოთა კავშირი და საქართველო რუსული წნეხის ქვეშ მოაქციოს. როდესაც მთელი მსოფლიო, ევროპა ამბობს უარს "გაზპრომზე", საქართველო მიისწრაფვის "გაზპრომისკენ". "გაზპრომი" არის იარაღი რუსეთის პრეზიდენტის, პუტინის ხელში, რომელსაც ის იყენებს, რომ თავისი ტერიტორიები გაზარდოს", - აღნიშნა დავითაიამ.

პოლიტიკოსის განმარტებით, აღნიშნული ფაქტი ვიზალიბერალიზაციის პროცესზე უარყოფითად იმოქმედებს. მისივე თქმით, "გაზპრომთან" ხელშეკრულების დადებას, ავტომატურად აფხაზეთის რკინიგზის საკითხი მოჰყვება.

დავითაიას შეფასებითვე, ე.წ. სუს-ი, რომელიც დაკავებული უნდა იყოს საქართველოს უსაფრთხოების საკითხებით, დაკავებულია მხოლოდ პოლიტილური დევნით და პოლიტიკოსების თვალთვალით.

"ევროპელი დემოკრატების" ლიდერის განცხადებით, მოქმედი ხელისუფლება არჩევნების გზით უნდა შეიცვალოს და "გაზპრომთან" მოლაპარაკებების საკითხი გამოძიების საგანი უნდა გახდეს.

"ჩვენ ყველაფერი უნდა გავაკეთოთ იმისთვის, რომ ეს ხელისუფლება შეიცვალოს არჩევნების გზით და ის ადამიანები, რომლებიც ასეთ ღონისძიებებს ახორციელებს, ვინც დღევანდელ საქართველოში ორჯონიკიძეები გახდმნენ, ისინი სისხლის სამართლის პასუხისგებაში უნდა მიეცნენ და გამოძიებული უნდა იყოს, თუ რატომ აყენებენ საფრთხის ქვეშ ქვეყნის უსაფრთხოებას", - აღნიშნა პაატა დავითაიამ.

 

ხატია წულაია

სააგენტო პირWელი

FaceBook Twitter Digg MySpace Delicious Google ელფოსტაბეჭდვა
პაატა დავითაიამ აფხაზეთის ომში დაღუპულთა ხსოვნას პატივი მიაგო
სოხუმის დაცემის დღესთან დაკავშირებით, საქართველოს ერთიანობისთვის დაღუპულ გმირთა მემორიალი "საქართველოს ევროპელმა დემოკრატებმა" გვირგვინით შეამკეს.
«« აგვისტო 2017 »»
ორ სა ოთ ხუ პა შა კვ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31